كل دة ليييييييييييييييييييييييييييية؟؟؟؟؟؟

استيقظت على صوت دقات على الباب
افتح لاجدة اسود البشرة ويتكلم بلغة عربية مكسرة
صباح غير
صباحك زى وشك عايز اية؟
يسالنى عن دواء فزوجتة مريضة
اية الاصتباحة السودا دية
يعنى يا ربى اصحى من النوم على الاسود دة؟؟
انزل الشارع متوجها الى السوبر ماركت لاشترى بعض طلبات الصباح
اجد نظيرة اسالة عايز جبنة نيستو
موش فاهم حاجة؟
موش فاهم لية اطرش ولا غبى
هاقولك اية منت عبد زنجى
اركب الاتوبيس فاجدة بجوارى يزاحمنى
متدخل شوية كدة يا عثمانة لحسن موش ناقصة
يصعد راكب اخر يمد يدة بقيمة التذكرة صارخا فية
قولة واحد يا عم البوابين
لا يرد علية ولا يعيرة اهتمام
يصرخ اكتر مد ايدك كدة يا عم ولا انت فى بلدكم مفيش تذاكر
اة منتوا جيتوا نهبتوا بلدنا و قطعطوا رزقنا كنا نقصينكم

تذهب عملك فى المصلحة الحكومية
فتجدة امامك يطلب منك المساعدة
ترد علية بص انت احسنلك ترجع بلدك وفكك يا عم من مصر دية
شوفلك شوية من اخواتك السود دول لموا من بعض حق التذكرة واتكل على الله

يسالك نفس السؤال لانة لا يقبل استهزاءك بة
مهو نهار اسود من الصبح وانا مليش غيركم
غور يا عم من وشى موش نقصاك وحياة ابوك
شوفلك حتى ظلمة استخبى فيها علشان منشوف وشك

راجع من عملك فتجدة مع زوجتة يمشون فى الشارع فى امان
وعلى كدة باليل بتدورا على بعض فى الشقة - ضاحكا بصوت الاستهزاء

تتحسس السلم صعودا الى شقتك فتصتدم بة امامك تصرخ يا ساتر يا رب
مين دة ؟ اية اللى موقفك فى وشى تتعارك معاة تضربة
يخرج كل الجيران مشمرين اكمامهم وقادمين للمساعدة فى العلقة السخنة
لية؟؟ كل دة ليييييييييييييييييييييييييييية؟؟؟؟؟؟
علشان اية؟ هو اسود وانت ابيض قوى يعنى؟
هو عيشتة الصعبة فى بلدة خليتة يقف فى وش ساعدتك
اية الغلطة اللى ارتكبهوا فى حياتهم علشان نعاملهم كدة؟
انت نفسك ممكن تتعرض للموقف دة لما تسافر بلد تانية هل ترضى لنفسك بكدة
لية بنحولهم لقنابل موقوتة ونخليهم حتى لما نمد ايدينا بالمساعدة الحقيقة يعضوها
زى القط الخائف من كتر الضرب طول النهار ولما تيجى تديلة لقمة ولبن يعضك

انت تعرف انة ممكن يكون احسن منك مليون مرة لانة يعرف ربنا بجد
وانت ولا تسمع عنة؟ فكرت فى مرة تتعامل معاة بحب؟
فكرت تقولة انا متشكر لانك بتساعدنى؟
ومن يقدر ان يزيد من قامتة اليس الرب الهك هو من يطعم طيور السماء؟
لية بتقول انة جاى يزاحمك؟ لية موش بتقدر ظروفة؟
دة هربان من مشاكل لا حصر لها فى بلدة علشان يلاقى الامان فى اى بلد تانية
اتارية جة فى بلد قساة القلوب
محتاجين وقت طويل علشان نقدر نغيير نظرتهم لينا
محتاجين ذكريات حلوة ليهم علشان ينسوا كل تحرشتنا بيهم
بس كل اللى نقدرنعمل اننا نطلب من ربنا ان يغفر لنا ما فعلناة بهؤلاء
واننا نبدا من جديد بفكر جديد ونتعامل معاهم من منطلق الحب موش الصراع
جرب تحبهم بجد ومتسناش اى رد فعل ايجابى لانة موش هايبقى موجود لفترة طويلة
لكن انت وانا وغيرنا نقدر نخليهم يحبونا بردة

شكرا على الموضوع كات

ميرسى ليكى