بحبك وخايف اقول

خايف منك بالرغم اني بحبك
خايف بعد ما عيني تعشقك تخوني
خايف اقرب منك تنسي وتهجرني
خايف المس ايديك تبعدى وتسيبيني
خايف ف لحظه اضعف وابكي
من قلبي هيكون البكي مش من عينى ..تخيلتى ايه مدي حبي وحنينى
حب ف قلبي بس عشان كلمه زمان قلتها
يا ريت لسانك كان نطقها
دي عنيك هي اللي قالتها
وقلبي لقلبك حسها
اه يا حبيبي بخاف احبك اقوي
تقوم تقوي وانا قلبي قدامك دايما ضعيف
وانا جمبك بس جمبك من غير كلام بحس الحب
في قلبي خلاص ملكني وف هواكى طيرني
وعلي سحاب الحب رسمني
وكتبلي اه حبيبك بيحبك
اااه ساعتها اتمنيت حضنك اوي
اتمنيت لحظه دفي
لحظه امان منك انت
دايما سيرتك علي لساني
واسمك مصحباه تنهيده من القلب
بحبك وخايف اقول

مش هقدر اقول غير انها كلها علي بعضها روعه من انسان روعه
ربنا يزيد موهبتك كمان وكمان يا احلي صاصا