ياللى بتدور على الحنان

ياللى بتدور على الحنان وبتسال عن الامان
تعالى ليسوع المسيح واهرب من السجان
سجان وربا فيك كل هم واحزان
ملا حياتك كلها ضيق وكره واشجان
عمل منها مسخ وغير كل الالحان
خلى حياتك لحن حزين ودايما تبقى زعلان
تعالى ليسوع المسيح وارجع تانى تكون فرحان
ياللى بتدور على الحب وبتفتش عنه فى كل زمان
تايه وماشى حزين بتدور عليه فى كل مكان
بتدور عليه فى قلبك فارغ وفاكره ملاءن
ارجع تانى وشوف وبص واعرف مين هوالانسان
انسان بتجرى عليه وتقوله انا بحبك يا احلى من الكهرمان
وناسى مين هو ربك مين هو الفنان
ارجع تانى واقول انا بتوب عن كل الازمان
ازمان الخطيئة والجهل والعصيان
خلى قلبك يركع ويقول سامحنى يا رحمن
انسلى اللى فات واغفرلى دانت ابو كل غفران
وانا متاكد انى فى ايدك مش هاكون فى يوم تعبان
وهاحارب كل يوم وهاكون اقوى من الفرسان
دانا فى ايد ملك الملوك وسيد كل الاكوان
اسمه رب الارباب وعالى فوق كل زمان
اسمه يشكل كل اناء اسمه ينقى كل لسان
اسمه خلى الضعيف قوى وخلق كل انسان
ارجع تانى ليسوع المسيح وحط نظرك على الفنان
هيملاء الصحراء مياة ويخلى حياتك احلى بستان
تعال ليسوع المسيح واهرب من السجان

جميل جداااااااااااا ياكاااااااااااات
وفعلا احنا كتير بنسيب نبع الحب والحنان الاصلى وندور على حب موهمى ومزيف وعمرة ما يشبع
يسوع قادر انة يشبعنا بحبة وحنانة
ربنا يباركك وميرسى على الموضوع الرائع دة