اقواال معزيه جدااا(متجدد) ادخل ومش هتندم

في مشكله واقفه ادامي
انا محتار ازاي اتصرف
لو ملجأتش ليك يا الهي
مين غيرك يقدر او يعرف


ياما ساعات وقت الخطر وفي الضيقه فكرت الجأ للبشر
وجريت عليهم وانا ملهوف ولا واحد منهم قدر ينزع مني لحظه خوف

هفضل احير نفسي لامتي وفي الهم اضيع ايامي
انا مش هسأل غيرك انت عندك راحتي وهلاقي سلامي
مش ممكن تهمل او تنسي ومعاك مش هحتار من تاني
حاسس عمرك فاضي بجد
زي الصحراء في عز البرد
لو يوم حزنك فيك اشتد
ومش بتلاقي جنبك حد
اوعي تقول الكون اتهد

طالب بس ان بالوعد
اللي اداه ليك رب المجد
هيفتح كل طريق اتسد
ويرد عليك اعظم رد
ببركات مش ممكن تتعد

يئسوا كتير قبلك خدوا ايه
طب تعمل زيهم ليه
دا الهم في قلبك يحنيه
جرب ترمي الحمل عليه
وتحط امورك في اديه
هتلاقي معني الراحه فيه
واكتر من اللي حلمت بيه
هو العالم قاسي كده ليه؟؟؟
مليت انا من عيشتي فيه
بستغرب عاجب الناس ايه
في مظاهره وليه اتعلقوا بيه


ساعات بقول مش هشغل بالي
بغيري وخليني في حالي
لكن صوتك لي يا غالي
جوه في قلبي ناداني ليالي

انت مش عابر سبيل في الدنيا
وان كنت غريب بقي دمي علشانك يسيل
واتحمل ذل الصليب
وبدل ماترد الجميل
دورك تنكر او تسيب


متاعبك متفكرش فيها
انما خلي ايمانك بيا
رحمتي ليك اتكلم بيها
ولباقي ولادي احكي علي
غربتك انا اللي هحليها
وفي النهايه هترجع لي
لما يزيد المي واوجاعي
ويحتار معايا الاطبا
الناس يملوا من سماعي
وتقل في قلوبهم المحبه

هافضل طول عمري انادي
لما اتألم بس عليك
يا طبيبي يا شافي امراضي
وكل ثقتي اضعها فيك
وازاي اتمسك ببعادي
عنك وشفايا في ايديك


كانت بتنزف ليها سنين
والقلب مليان خوف وانين

ودورت عالراحه كتير
مشوارها كان قاسي وطويل

لكن مكانشي في تاثير
مبقتش عارفه تروح لمين
لحد مسمعت من غيرها عنه
وامنت ان شفاها عنده

جريت اوام علشان تروح له
وقالت كفايه لو لمسته
هناك شفايا اللي طلبته

وعشان هو نبع الشفاء
عمره ما بيخيب رجاء
اداها راحه من العناء

ويااااااااا تري يا كل مجروح
نفسك بتنزف ولا الروح
امتي هتلجأله وتروح
وباللي تاعبك كله تبوح
هتلاقي حضنه ليك مفتوح


يلا بينا لحضن يسوع

مع انك حبيت للاخر
ببقي تجاهك قاسي وفاتر
وبكون علي طاعتك مش قادر
ولاحسانك ناسي وناكر

بقول حياتي تعب وغلب
وطريقك السير فيه صعب
اقضي ايامي في هم وكرب
وارفض قلبك اكبر قلب

لكن مبتعرفش اليأس
كاشف كل خبايا النفس
فاهم ايه دالوقتي بحس
ولسه علي خايف صابر

بتقول لو هتعيش محتار
تفضل ولا بارد ولا حار
تبقي اخدت اغبي قرار
ورميت نفسك جوه النار


لكن يوم ماتقولي اعني
اسمع لصراخي وارحمني
ايدي هتتمدلك يا ابني
وهقودك وانت بتتبعني
ومكانك محفوظ في حضني
وخاطرك عندي اكبر خاطر