البابا كيرلس صحح الامتحان

أنا بحب البابا كيرلس جدا وعشان كده نشرت المعجزة دي لما قريتها ع النت

بركة شفاعته تكون معانا

انا طالبة فى كلية تجارة خارجية فى الفرقة الرابعة

اثناء امتحانات الفرقة التالتة كان عندى مادة رياضة استثمار
كنت هذة المادة شيلاها من سنة تانية وكنت ممسكاها
للبابا كيرلس ومارمينا العجايبى
وعندما جاء ميعاد امتحانها فى الفرقة التالتة
وكان عندى اصلا سبع مواد غيرها كان الترم صعب وتقيل عليا
وكانت قبل امتحانها بيوم عندى مادة من سنة تالتة
للاسف ذاكرتها بالعفية وكمان روحت الامتحان
و كانت الصدمة ،الامتحان صعب جدا وانا مش فاكرة حاجة المهم كتبت اى حاجة وخرجت وانا واثقة انى مش هاجيب فيها اكتر من 30 او 40 من 100 يعنى مش ناجحة فيها خالص

وعاتبت البابا كيرلس لان الترم الاولانى شلت مادة بتاعته وكنت للاسف مجاوبة فيها كويس فأخدت اعاتب فيه واقوله:- (انت دايماً تعملها معايا ليه كده؟ دنا شايلة مادة من الترم الاول
وللاسف بتاعتك كمان ورغم انى كنت مجابة فيها
وادى مادة كمان وايه ضمنى السبع مواد التانيين
مااطلعش منهم بحاجة لو طلعت بحاجة تانية مع الرياضة
يبقى كدا هاعيد السنة حرام بجد)

وكانت مأثرة فيا اوى لدرجة انى ماعرفتش اذاكر المادة اللى وراها كويس وكنت دايما اطلب من البابا و العجايبى انهم يصححولى الورقة بايديهم لان لولا كده يبقى مافيش غير انى اشيل المادة دى

وفعلا ظهرت النتيجة وكانت المفاجأه مزهلة
لقد نجحت الترم التانى كله صافى والمادة دى جبت فيها 64 من 100 بجد كانت فرحتى مش فى انى نجحت لكن فى انى نجحت فى الرياضة بالذات انا بشكر البابا كيرلس رجل الصلاة والقديس العظيم مارمينا العجايبى على صلاوتهم وشفاعتهم المستجابة امام رب المجد وبطلب منهم يسامحونى على ماصدر منى من عتاب وبركة صلاتهم تكون معانا وتسندنا.
صلوا من اجل ضعفى

منقووووول

ياه القدسين بيقدموا يد العون والمساعده في الوقت المناسب
يارب يقفوا مع كل واحد فينا ويسعدونا

ميرسى ليك مينا منور المنتدى

شكرا كتير كات
وشكرا البابا والعجايبي
وربنا يباركنا