الحب على النت!!!!!!!!!!!!!!!!!!!!!!موضوع هام

أنا عارف إن كل اللي هايخش يقرا ها يستغرب الموضوع أوي والعنوان كمان

بس اى حب فى الدنيا بيبقي مبنى على اسس وانا هجيب ابسط الاسس ونطبقها على الحب ده

1-معـــرفه جيده (شكل -اسلوب-طباع )
2- صدق ومشاعر حقيقيه
3- توافق

نشوفهم بالتفاصيل بقي

1-المعرفه

- الشكل
انت تعرف شكلها؟؟ شوفت صورتها اه.... واثق منين انها دى صورتها !!
طب بالوصف يمكن مش وصف حقيقي
شوفتها يبقي كده نقطه
لكن لو مشفتهاش كده حاجه ناقصه من بدايه العلاقه

اسلوب -
دى بقي هتقدر تحددها ازاى من الشات
نفترض شوفتها مره هتقدر تحدد اسلوبها ازاى مع اصحابها يمكن اللى بتعاملك بيه ده مش اسلوبها الحقيقي نفترض شوفتها كتير كده يبقي عرفت اسلوبها لكن لو مشفتهاش يبقي متعرفهاش واعرف انه مش حب

طباع -
فى النت طبعا كل واحد بيحاول يظهر اجمل ما عنده انا مؤدب واخلاقى عاليه ومش بحط سيجاره ف بوقى وهو حشاش اساسا انتى هتعرفى منين!!!!!!!
والطباع دى بقي مبتظرهرش من مره ولا اتنين دى لازم مواقف جامده ومحتاجه وقت
لكن لو مشفتوش اساسا ازاى هيبقي حب بجد !!!!!!

2 - صدق ومشاعر حقيقيه

الصدق -
دى نقطه مهمه جدا فى اى علاقه على النت او بره لكن بره ممكن تحسيها من نظره عين
من كلمه او من حركه لكن النت!!!!!!!!!!!! ازاى دى بقي هتحسى الصدق ازاى بقي لنفرض انكم شوفتوا بعض هتقدروا تحددوا مين الصادق ومين الكذاب اذا كان اساسا انتوا رايحين تشوفوا بعض وانتوا حبين بعض هتقدروا تحدووا عيوب ازاى ! افرض مشفتوش بعض هيبقي حب ازاى كده بالعقل !!!!!

المشاعر الحقيقه -
تخيلى واحد ممكن يكون مرتبط بواحده مش من النت وبيخدعها تخيلى بقي من النت ومشوفتوش كمان دى مفهاش مشاعر اساسا لا كذب ولا حقيقيه اللى بيحب بيبقي نفسه يشوف حبيبه دايما تخيلى هيبقي حب ازاى وهي مشافتوش اساسا وازاى بيقولها بحبك واحنا منعرفش بعض لا شكل ولا اسلوب ولا طبع ولاحتى عارفه هو صادق ولا لا
مش حب ده وجع قلب وحيره جامده

3-التوافق
دى نقطه اهم من كله
عرفتى منين انه متوافق معاكى ميمكن واحد شغال فى سايبر وبيقولك انا ابن مش عارف مين وعربيتى نوعها كذا ولا يمكن بواب متمدن بيقعد على النت وبيقولك انا فى الفيلا بتاعتنا منت مشفتيش هتعرفى منين بقي ولنفرض انك شوفتيه وطلع استايل ونضيف او حتى عادى مناسب معاكى مش شرط كده
مستواه العلمى متناسب معاكى هتقول اه عرفتى منين وانتى مشفتيش بالأحساس
بقي طب ومستواه الاجتماعى بيقولك انا ساكن فى حته نضيفه وهو ساكن فى منطقه بيئه هتعرفى منين هتمشي وراه بقي؟؟ ولا اصحابه ميمكن مصاحب ناس وحشه دى هتعرفيها منين وكذلك مع الاولاد هتعرف منين كل ده وكمان ازاى هتقدرى تحدددى مدى التوافق الفكرى وانت متعرفيش طبعه ولا اخلاقه !!!!
............ ......... ......... ......... ......... .. ...

الحب مش كلمه سهله يا جماعه الحب احساس مش سهل نحسه بلاش نخلى مشاعرنا رخيصه لاى حد منعرفوش صح لمجرد احتياج للمشاعر دى كل حاجه ليها وقتها انت مش بتخش الجامعه غير لما تعدى على الابتدائى والاعدادى والثانوى الحب كده ليه وقته الصح اه بنحب فى اوقات غلط واحنا مش حاسين ومش بنحس ده غير بعد مننجرح بلاش نخسر اجمل مشاعر جوانا ..

هل انت متاكد ان ارتباطك عاطفيا من النت نابع من الصدق منك ومنها
هل انت متاكد معـــرفه جيده(شكل -اسلوب-طباع )
هل انت متاكد من التوافق

لو عرفو وبنو علاقتهم بكل الاسس دي اكيد هاتنجح
ااقل حاجة لو مش موجودة عندك اعتبرة فاشل
واوعى تعيش فية

ميرسي كات ليكي
بس من وجهة نظري كل المشاكل دي هتزول بمجرد ما ينزلوا ويشوفوا بعض
وبالمعاملة هيفهموا بعض
شكراااااااا

موضوع جميل بس انا راى من راي مينا وميرسي كتير ياقمر

ميرسى كتير يا كات
موضوع حلو اهداء

ميرسى ليكى رينا

ميرسي اوي الموضوع ده مهم جدا جدا

ميرسى لمشاركتك

ميرسى ياكات
موضوع حلو اوى
والحب على النت من وجهه نظرى دة تسليه فقط
عشان شفت علاقه فى النت بس هو على موقف تافه سبها

بصى يا كات حب النت ده مسمهوش حب
ومينفعش ينجح
لانه ببساطه الواحد بيقعد على النت يعمل ايه يضيع وقت فاضى عنده زهق يعنى بيتسلى فاكيد كلها تسالى بكلم ده بعرف ده اه ممكن اعرف شويه تفاصيل فى الحياه اعرف شخصيات جديده لكن حب من النت الموضوع مش سهل وكله خداع لانى مجرد بشوف شاشه بطلع كلام اله كاتبه لكن فين المشاعر انك تحسى ان الشخص ده فعلا بيحبك او ممكن يخاف عليكى ومبيمثيلش عليكى مهو زى مهو بيتسلى ويضيع وقت معاكى هيضيع وقت مع غيرك اتنين تلاته كيدا يعنى

بجد يا كات كلامك زي العسل وهو ده عين العقل وفيش حاجة اسمها حب من علي النت خاااااااااااااالص ميرسي يا قطتى اهداء