جيبنا المزود ولا نسينا؟

جيبنا المزود ناخد بركة ونرتل ويا الملايكة
ونقول ليسوع كل سنة وانت معانا في اطهر شركة
جيبنا المزود جينا المزود؟؟
جيبنا المزود ولا نسينا؟؟ اصل الدنيا كتير تلهينا
والعيد فرحة وصحبة و فسحة
ودوشة و زحمة وهيصة ولمة
وناس و هلمة ولبس و جزمة
وفته و لحمة واكلة بشبعة
ويمكن فجعة حاجة يا عيني
اخر عظمة بس الازمة
ان اللخمة بتنسينا
جيبنا المزود ولا نسينا؟يوم العيد
يعني الاحساس يعني تهاني
بين الناس يعني مشاعر
ولا مظاهر ولا كلام
وهزار و خلاص يعني سعادة
جت علي سهوة يعني الناس
والصحبةلحلوة وساعات تبقي
فرصة لشهوة لا لنزوة
بس عموما نرجع بيتنا...نلقي حياتنا...زي ما هي
حتي فرحنا في لحظة يبيعنا...لهم الدنيا وكأن لا رحنا ولا جينا
جيبنا المزود ولا نسينا
ولا تقلنا اما اتغدينا والعيد اهو مر علينا
واحنا غشاوة قافلة عنينا اصل ياما حكولنا زمان
ان يسوع رب الاكوان ملاقاشي لميلاده مكان
غير مزود من قش و طين و بعد سنين
خايف لا يسوع يوم ميلاده لو جه يدور بين اولاده
علي قلب يكون مستنيه لا يلاقي قلوبهم مقفولة
عيد والناس كلها مشغولة ومحدش فاضي يئويه
وهيرجع تاني للمزود بطعنة جديدة ونفس حزينة
كان نفسه يحل في وسطينا جيبنا مذود ولا نسينا

جميلة جدا جدا جدا يا كااااااااااااااااااااااات

واسمحيلى انا هنقلها فى منتدى اخر

ميرسى لمرورك ياصاصا

اوك صاصا ولايهمك