اللص الذى آمن بالرب

---

ازيكم يا احلى شباب فى اجمل منتدى تنفيذاً لحكم مودى وهو انى اتكلم عن شخصية كتابية اتعلمت منها فأنها هضطر اتكلم عن شخصية كتابيه ربنا كلمنى من خلالها وانتم طبعا متعرفوش ان حكم مودى ده عقاب ليكم انتم عشان هتتصدعوا منى بس اعمل ايه لازم انفذ الحكم :dهههههههه
من وقت فات كده كنت بقرا فى الكتاب المقدس وكنت بقرا فى انجيل القديس لوقا البشير والاصحاح ال 23 على وجه التحديد ووقفنى ربنا وقت قدام مشهد الصلب ولقيت ربنا بيفتح عنيىّ على شخصية يمكن الكتاب متكلمش عنها كتير الا فى سطور قليلة لكن الشخصية دى كانت بتحمل ايمان عظيم جدا والشخصية دى طبعا هى شخصية اللص الى آمن بالرب يسوع فى اللحظات الاخيرة وابتديت اركز فى الحديث اللى دار بين اللصين والرب يسوع على الصليب فلقيت واحد منهم بيتعامل بمنتهى المنطقية وواحد تانى بيتعامل بمنتهى الايمان اللى بيتعامل بمنتهى المنطقية شايف واحد بيقولوا عنه انه الملك وانه ابن الله لدرجة انه من عدم تصديقه للكلام ده جدف عليه وقال ان كنت انت المسيح فخلص نفسك وايانا انما التانى رد عليه وقال " أولا انت تخاف الله اذ انت تحت هذا الحكم بعينه. اما نحن فبعدل لاننا ننال استحقاق ما فعلنا.واما هذا فلم يفعل شيئا ليس في محله.ثم قال ليسوع اذكرني يا رب متى جئت في ملكوتك " حقيقى يا شباب انا وقفت قدام الراجل ده وانا فعلا مكسوف من نفسى جدا جدا قعدت اسأل نفسى واقول طيب هو دلوقتى شايف واحد مضروب ومذلول وتحت نفس الحكم اللى هو فيه ويمكن اكتر لكن السؤال ازاى اعلن انه هو الرب وطبعا الرب وقتها بحسب حكم البشر والمنطق فى موقف ضعيف جدا ازاى يآمن بواحد فى الموقف الضعيف ده والغريب فى القصة اكتر يا جماعه ان الكتاب المقدس لم يذكر لينا ولا مرة ان اللص شاف من الرب معجزة عشان كده آمن بيه لكن كل اللى ذكره الكتاب انه يوم ما شافه شافه معلق تحت حكم اللعنه حقيقى قعدت وقت اسأل كتيررررر ازاى الراجل ده آمن وقعدت اصلى لربنا انه يجاوبنى ولقيت ربنا بيفتح عنيى على الاجابه وبيقولى عارف ليه هو آمن بيّ ؟ قال عشان مشافنيش بعنين عاجزه شافنى بعنين مفتوحة عنين قدرت تخترق المنطق مهما كان صعوبته وقدرت تخترق الواقع اللى انا وهو فيه وقدرت عينه مش بس تشوف المشهد وقت الصلب لكن قدرت تشوف المجد اللى من بعد الصليب وهو الملكوت بدليل كلامه لما قال اذكرنى يارب متى جئت فى ملكوتك وتجى طبعا بعدها الاجابه السريعه جدا نتيجة الايمان العظيم اللى امتلكه هذا اللص والعنين المفتوحه اللى عرفت تشوف الرب بعين الرب نفسه.
شباب انا شخصيا بعترف انى كتير ياما شوفت الرب فى حياتى بعنين عاجزة رغم انى شوفت مجده فى حياتى كتيررر جداااااااااااا وياما عمل فى حياتى امور عظيمه بشهد عنها لكن رغم ذلك ولضعف ايمانى ياما شوفته بعين كلها عجز ادينا يارب ايمان ذلك اللص اللى عرف يشوفك بالرغم انه شايفك فى موقف ضعف بحكم البشر امنحنا يارب الطلبة دى اننا نشوفك بعينك انت مش بعنينا العاجزة اللى مليانه ضعف وعدم ثقة فى شخصك الكريم امنحنا يارب ايمان ذلك الشخص العظيم ............................أمين

ميرسي علي الموضوع

ربنا يعوضك